Тауарларға ілеспе жүкқұжаттарының енгізілуі бизнесті жүргізуді қиындатады
Алматы облысы Кәсіпкерлер палатасында «үй жанындағы дүкендер» иелерінің тауарларға ілеспе жүкқұжаттарын (ТІЖ) шығару бойынша пилоттық жобаны енгізу мәселесі бойынша өтініштері қаралды. Жиынға Қазақстан кәсіпкерлерінің құқықтарын қорғау жөніндегі уәкіл аппаратының сектор меңгерушісі - Алматы облысы Кәсіпкерлер палатасы директорының орынбасары Қанат Қабдиев, Алматы облысы Кәсіпкерлер палатасы жанындағы Кәсіпкерлердің құқықтарын қорғау және сыбайлас жемқорлыққа қарсы іс–қимыл жөніндегі кеңестің төрағасы Баниямин Файзулин, Кәсіпкерлер палатасының әкімшілік бөлімінің басшысы - Алматы облысы Бухгалтерлер клубының жетекшісі Санат Түсіпов, Алматы облысы МКД және Талдықорған қаласы МКБ басшылығы мен мамандары, сондай-ақ қала кәсіпкерлері қатысты. ZOOM платформасы арқылы кездесуге аудандар мен қалалардың кәсіпкерлері мен бухгалтерлері қатысты.
Кәсіпкерлердің бастамашыл тобының өкілдерінің бірі Наталья Содылева «үйдегі дүкендердің» иелері 2021 жылдың 1 қаңтарынан бастап жұмыс істей бастаған пилоттық жобаны енгізуге қарсы екенін және оның тиімділігі шамалы екенін атап өтті.
.JPG)
«Шағын дүкендердің сатылатын тауарлардың әр бірлігі үшін күн сайын ТІЖ рәсімдеуге мүмкіндігі жоқ. Оны рәсімдеу үшін ақпараттық жүйеге планшет немесе компьютер арқылы кіру қажет, оған біз әрбір сатылған тауарды енгізуіміз керек. Кез келген дүкен мұндай жабдықты сатып ала алмайды. Қаржылық және әкімшілік шығыстарымыз көбеюде. Сондай-ақ тұрақсыз интернет байланысы кезінде ТІЖ шығару мүмкін емес. Жеке кәсіпкердің бір өзі сатушы да, бухгалтер де екенін түсіну керек», - деді кәсіпкер.
Кәсіпкерлердің пікірінше, көлеңкелі айналымды төмендетуге бағытталған пилоттық жоба кері әсер беруі мүмкін. Жобаны енгізудің салдарынан кәсіпкерлік субъектілерінің жабылуы немесе олардың қайта көлеңкелі айналым жүргізуі мүмкін екенін атап өтті.
Өз кезегінде Қазақстан кәсіпкерлерінің құқықтарын қорғау жөніндегі уәкіл аппаратының сектор меңгерушісі - Алматы облысы Кәсіпкерлер палатасы директорының орынбасары Қанат Қабдиев аталған пилот бойынша Кәсіпкерлер палатасына мен бизнес өкілдерінде көптеген мәселелер қордаланғанын мәлімдеді. Өтініштер Алматы облысының барлық өңірлерінен келіп түсуде.
Атап айтқанда, Интернетпен, жүйелі-техникалық ақаулар мәселесі қалай шешілетін болады? Бұл әрі қарайғы жұмысқа теріс әсер етеді.
Виртуалды қоймада өнім жиналған кезде немесе жүйе техникалық ақауларға байланысты қоймадағы тауарлардың жетіспеушілігі туралы ақпарат берген жағдайда не істеу керек?
Виртуалды қоймада акцизделетін тауарларды есепке алу қажеттілігі және оны сонымен бірге есепті қолмен жүргізу бизнес қызметін қиындатады.
Тағы бір маңызды мәселе - тауарларды қарызға беру және қарызға жаздыру. Ертеңгі күні есепте қарама-қайшылық болмас үшін мұны қалай реттеуге болады?
«Пилоттық жоба нарықтың кәсіпкерлердің жобаны қолдануға дайындығына мониторинг жүргізуді мақсат етіп отыр. Қазір біз кәсіпкерлердің бұл жаңашылдықпен келіспейтінін және ұсынылған өнімнен бас тартып отырғанын көріп отырмыз. Бұл жаңашылдық бизнесті жүргізуді қиындатады деп санаймыз. Одан бас тарту керек немесе есеп пен салық салуды жеңілдететін басқа өнімді ұсыну қажет», - деп атап өтті Қанат Қабдиев.
Сондай-ақ, кәсіпкерлерге «Ашық НҚА» порталында аталған бұйрық жобасы бойынша өз пікірлерін білдіру ұсынылды.
Талдықорған қаласы бойынша МКБ басшысының орынбасары Әсем Байқаш дүкен иелерінің бөлшек саудада сату кезінде ТІЖ шығару бойынша міндеттемелері қарастырылмағанын айтты.
«Акцизделетін тауарларды алғанын растауды қоспағанда, тауарларды бөлшек саудада өткізуші-алушылардың ТІЖ-ны міндетті түрде растауы алып тасталады. Келесі айдың 10-нан кешіктірмей айына барлық сатылымдарда бір рет виртуалды қоймадағы қалдықтарды дұрыс көрсету үшін бөлшек сатушының ТІЖ-ны ерікті түрде рәсімдеу тетігі енгізіледі. Пилотты жүргізу кезеңінде мемлекеттік кірістер органдары айыппұл санкцияларын қолданбайды. Сондай-ақ, пилотты өткізу мерзімдері қайта қаралып жатқанына назар аударғымыз келеді», - деді кірістер басқармасының өкілі.
Техникалық мәселелер туындаған жағдайда ТІЖ-ны рәсімдеу және ТІЖ-ға байланыстыра отырып, оның ішінде ерікті тауарлар бойынша ЭШФ жазып беру мерзімі әкімшілік жауапкершілікті алып тастау мақсатында техникалық проблемаларды жою кезеңіне ұлғайтылады.
Сонымен қатар, Әсем Байқаш салық қызметінің мамандары ақпараттық жүйеде тіркеу және жұмыс істеу бойынша жан-жақты қолдау көрсететінін атап өтті. 25 ақпанда МКД алаңында кәсіпкерлерге арналған ТІЖ рәсімдеуді түсіндіру бойынша онлайн семинар өтеді. Сондай-ақ, МКД өкілдері бизнес өкілдері айтқан ұсыныстар МКК қарауына жіберілетінін атап өтті.
Пікір қалдыру:
Пікірлер: