Көшпенділер мәдениеті бизнеспен үйлесімді: Алматы қаласының өңірлік палатасында Наурыз мейрамы аталып өтті

2025 жылғы 04 Сәуір

- Алматы қаласы

400 просмотров

Дереккөз: Алматы қаласының «Атамекен» ӨКП

Көшпенділер мәдениетінен бастау алатын қазақи дәстүрлер мен әдет-ғұрыптар қазіргі заманғы бизнеспен тығыз байланысты. Бұл ежелгі құндылықтардың динамикалық экономика жағдайында өзекті бола алатындығын көрсетеді. Бұл әсіресе Алматы қаласының өңірлік палатасында ұйымдастырылған іс-шарада айқын көрінді. Наурызды мерекелеу мәдени ғана емес, іскерлік шараға да айналды.

Наурыз мейрамын мерекелеу аясында Алматы өңірлік палатасында бай тарих пен мәдениетті еске түсіріп қана қоймай, дәстүрлердің заманауи бизнес-контекстпен қалай үйлесетінін көрсеткен іс-шаралар ұйымдастырылды.

Дәстүрдегідей, жасы үлкендер батасын беріп, балалар сурет байқауында, хореография мен театр қойылымдарында өз таланттарын қуана көрсетті.

Көшпенділер әрқашан еркіндікті, ұтқырлықты және икемділікті бағалайтын. Дәл осы қасиеттер қазіргі бизнесте де өте маңызды. Қарқынды өзгеріп отырған нарықта компаниялар да уақыт талабына сай өзгеруге дайын болуы керек.

«Палата әрқашан өз жұмысының басты қағидатын – бизнесті қорғауды ұстанатын және ұстанып келеді. Алайда, біз кәсіпкерлер мен палата арасында іскерлік қарым-қатынаспен қатар достық қарым-қатынас орнағанын қалаймыз. Өзара түсіністік, қолдау және ынтымақтастық - табысты серіктестіктің негізі принциптері. Бір-біріне деген құрмет пен көмек өмірдің маңызды аспектілері болған көшпенділердің дәстүрлі мәдениетін негізге ала отырып, біз қазіргі замандағы бизнесте де сенім мен ашықтық атмосферасын құруға тырысамыз. Дәл осындай қатынастар кәсіпорындардың тұрақты дамуына, сонымен қатар іскерлік ортаның үйлесімді өзара іс-қимылына ықпал ететініне сенімдіміз. Бұл Наурыз табиғаттың жаңаруының ғана емес, әрқайсысыңыз үшін жаңа перспективалардың символына айналсын, өрлеу мен табысқа жетудің көкжиегін ашсын», - деп атап өтті Алматы қаласы өңірлік палатасының директоры Шыңғысхан Маманов.

Көшпелі мәдениеттің маңызды элементі қонақжайлылық болып табылады, ол да Наурызды мерекелеудің негізгі аспектісіне айналды. Қонақжайлылық, құрмет пен өзара түсіністік — бұл қазіргі заманғы іскерлік кездесулерде қолданылатын және Наурыз мерекесінде акцент қойылған құндылықтар.