Ақтөбе облысында былтыр кәсіпкерлерге 2 741 сертификат берілді
CT-KZ формасында берілген сертификаттар 2019 жылмен салыстырғанда 7 пайызға артса, ал экспорттық сертификаттар 10,7 пайызға төмендеді. Өңірлік кәсіпкерлер палатасының мамандары экспорттық сертификаттарды беру көрсеткішінің төмендеуін елдегі карантиндік шараларға байланысты біраз уақыт шекаралардың жабылғандығымен түсіндірді.
Өткен жылы облыстық кәсіпкерлер палатасына барлығы 2 741 кәсіпкерден тауарлардың шығу тегі туралы сертификаттарды алуға өтінім түскен. Оның ішінде ішкі айналымға арналған 411-і — CT-KZ формасындағы сертификат, ал 2 330-і — экспорттық сертификат.
«2014 жылдан бері «Атамекен» Ұлттық кәсіпкерлер палатасы тауардың шығу тегі туралы сертификатты рәсімдеуді, куәландыруды және беруді жүзеге асырады. Сондай-ақ ішкі айналым үшін тауардың шығу тегі туралы сертификатты беруге уәкілетті ұйым саналады», — деді өңірлік кәсіпкерлер палатасының тауарлардың шығу тегін сертификаттау жөніндегі маман Галина Костенко.
Жыл басынан бері палатаның сертификаттау жөніндегі мамандары СТ-КZ формасында ішкі айналым үшін 43 сертификат рәсімдеді. Аталған сертификаттар машина жасау, химия, құрылыс, тамақ, жеңіл өнеркәсіптері, полиграфия, тау-кен өнеркәсібі, жиһаз жасау, резеңке-техникалық бұйымдар өндірісі салаларына қатысты өндірушілерге берілген.
Сондай-ақ 233 сертификат экспорттық мақсатта рәсімделген. Бұл — ТМД, Еуропа елдеріне шығарылатын өнімдер үшін берілген сертификаттар. Экспортқа сүт және қышқыл сүт өнімдері, балық, сиыр және шошқа еті, макарон өнімдері, бидай, теміржол рельстері, жоғары көміртекті және төмен көміртекті феррохром, мұнай, Ақтөбе хром қосылыстары зауыты өндірісінің химикаттары және басқа өнімдер жіберілді.
Отандық тауар, жұмыс және қызмет өндірушілердің тізіліміне Ақтөбе облысының жеңіл өнеркәсіп (5 кәсіпорын), машина жасау және металл өңдеу (5), Жиһаз (2), химия (4) және IT компания (1) сияқты салаларды ұсынатын 17 кәсіпорын кірді. Тізілімге енгізілген кәсіпорындарға оның отандық өндіруші мәртебесін куәландыратын Индустриялық сертификат ресімделеді.
Индустриялық сертификатты мынадай компаниялар алды:
- ТОО "ПО Глобал-Спецодежда"
- Қазақ соқырлар қоғамының Ақтөбе УПП " ЖШС»
- "Қазақ саңыраулар қоғамы" қоғамдық бірлестігінің "Ақтөбе оқу-өндірістік кәсіпорны" Мекемесі"
- Магистраль Терминал " ЖШС»
- М-Трио "ЖШС"
- ЖШС "СТАЛЛИТ"
- "GRANT ADAL" ЖШС"
- "Epsilon Group "ЖШС (Эпсилон Групп)»
- Ақтөбе мұнай жабдықтары зауыты " АҚ”
- Светоком " ЖШС»
- ЖК "Галиева Р. б.»
- ЭкоЭкспресс Актобе " ЖШС»
- "Splendor" ЖШС (Спландор)
- ЖШС " Vega жиһаз"
- "FARZA Corp" ЖШС»
- Голд-Проект " ЖШС»
- "АҚТӨБЕ ПРИЛАД" ЖШС»
Мамандардың айтуынша, сертификат алу механизмі және ережелердегі өзгерістер туралы www.atameken.kz сайтындағы сертификаттау бөлімінен білуге болады. Сондай-ақ палата өкілдерінен ауызша кеңес алуға болады.
Пікір қалдыру:
Пікірлер: